خاص بطلاب السادس 🌸

ماشي راح نحدد يوم ونسوي بث باليوتيوب لان اغلبكم ماسحين المواقع
وراح نحدد يوم وساعة
ونحدد المواضيع الي نسولف بيها ❤️

#تنويه_1

اود التأكيد ان كوادرنا متواجدة في المعاهد ( زيونة والمنصور) يومياً لاجراء الامتحانات لطلاب وطالبات بغداد ( الامتحان الحضوري)
حسب مراجعة الطالب ( يعني كل طالب يخلص مراجعة ويحب يمتحن يكدر يمتحن بأي فصل وبأي موضوع يريده)

وكذلك متواجدة كوادرنا بمعرفات التلي الكرام الخاصة باجراء امتحانات طلاب وطالبات الالكتروني ولغاية يوم 1-6
ما قاطعين الامتحان ولا نقطع الامتحان لحد ما اخر طالب يخلص مراجعة المادة ويمتحن وياخذ حقه كاملاً
( والمراجعات الي تنزل هسه هاي تنقري بليلة الامتحان او بعطلة العيد بكيف الطالب)

#تنويه_2


الكلام المتناثر هنا وهناك من شذاذ الافاق بخصوص عدم وجود امتحانات فلا صحة لها ابداً

معاناتي الاخيرة مع الطلاب الي ماحضروا اخر امتحان لان جنت اهدد بإيقاف الكود فجان الطالب يجي يمتحن مُجبر وكلشي مضبّط

بس من السنة انتهت ماكدر اوقف كود
فهنا اكو نسبة من الطلبة شوية تماهلوا وما حضروا اخر امتحان لان ماكو وسيلة ضغط 🤷🏻‍♂️
وهذا اكيد مو ذنبي !!
لان اذا اوقف كوده راح الطالب يتأذة
وهذا كل الموضوع ❤️
وياريت الناس تحير بنفسها وتعوف البشرية بحالها

هذا الجدول المنشور بكروبات الطلاب والطالبات ( سواء الكتروني او حضوري) والامتحانات مستمرة وفق جدول
ويكدر الطالب يخالف الجدول كذلك ويمتحن بأي مادة يريدهه
خليت الطالب حر لان فترة مراجعة
يمتحن بجدولي
او يجي يريد غير مادة هم نمتحنه ❤️
اني هاي الفترة مشتغليني اكس ومربع😂
بس اني داحاول كل ما تطلع شبهه افندها بالدليل
و بمساعدة الطلاب المنصفين الي مسجلين يمي ❤️

تصبحون على خير ❤️
❤️ احبكم ❤️
ولاتسهرون النوم من وكت وتكعدون من وكت احسن شي بالمراجعة ❤️

ربي يبارك بيكم وبجهودكم ❤️

لم نكن يوماً على خلاف ، ربما نختلف بوجهات نظر و اراء وتوجهات ونتقاطع في بعض المواضع
ولكن الودّ موجود ومحفوظ والوفاق موجود والله اعلم ❤️
تعليق استاذ مهند لا يُرّد عليه الا برسالة امام الرأي العام ❤️
له تأريخ مع طلاب العراق ومن اوائل من نشر على يوتيوب وقدّم للطلاب

الصرح العلمي الجميل معهد المجد في زيونة / الاستاذ حيدر وليد مدرس مادة الرياضيات

#تنويه:
يشمل حالياً فقط طلاب العاصمة بغداد امتحانهم حضوري❤️

الراقي والرائع ❤️

#توجيه

بالنسبة للمواضيع المحذوفة سابقاً ودخلت هاي السنة
( الانسحاب ، الحجوم الدورانية ، المجاميع العُليا والسفلى ، الاوميكا كانت خارج منهج الاحيائي ، التطبيقات )

1- التطبيقات هاي ثابتة عليهه 10
2- الانسحاب ، الحجوم ، المجاميع العُليا والسفلى والاوميكا
هذني تحصيل حاصل يجي منهن موضوعين ع الاقل يعني 20 درجة ربما 30
يعني انت من تقرة ذني المواضيع ضمنت 30 او 40 درجة بالوزاري

اما القطوع المخروطية فهو فصل متشعب
اذا تريد تسيطر على افكاره بكل شاردة و واردة
( وزاريات 2018 -2019-2020-2021-2022-2023)
كل الادوار اذا خليتها كدامك
حتشوف نفسك غطيت تقريباً كل الفصل وافكاره.
مبرهنات تسيطر عليها.

سيتم تعميم العرض لطلاب الاعفاء والطلبة الايتام وذوي الشهداء والمستفدين من شبكة الرعاية الاجتماعية ليشمل جميع المحافظات
انتظروا اعلان يخص باقي المحافظات ❤️

#تنويه:
اي طالب مشترك وهو مشمول بالعرض
فهذا بالكورس الثاني نسويله الخصم
#مثلاً
طالب اعفاء او من ذوي الشهداء
ومسجل من شهر الرابع
ودافع قسط كامل
هذا من يجي الكورس الثاني ان شاء الله
راح ينشمل بالعرض وطبيعي جداً

اني هدفي بهذا العرض يتلخص بأمرين
الاول : نشجع على التفوق والاعفاء ونوصل رسالة لطلاب العام المقبل من نجحت للخامس
طلع اعفاء لان حتكون شخص مميز وراح تستفاد من تسجل خصوصي وتوفر
الامر الثاني: ذوي الشهداء وشبكة الرعاية
ميحتاج يطلب مني اخفض
يجي وهو بكامل ثقته
لان اني اشوف مرات ولي الامر ينحرج
واني اريد ارفع الاحراج عن اهلي وناسي اولياء الامور بحيث يجي وهو ميحتاج يطلب مني ويستحي او يتردد ❤️
هذا علم مو تجارة وبيع وخسارة
هاي هبة من رب العالمين ورسالة تختار الطريق الصحيح لايصال الرسالة ❤️